Ien 2024 viëre weej, net zóas vroeger, vastelaovend ien Den Hoender vur alle wiekbewoeëners!
Op zaoterdág 10 fibbrewarie gaon weej danse en hosse mit DJ Rob en kumt het carnavalsduo LOSS! ’n paar liedjes zinge. Weej beginne um 20:00 uur.
Op zòndág 11 fibbrewarie halde weej âlderwets matinee mit DJ Rob. We beginne al vroeg um 11:00 uur en d’r is gratis soep mit broeëd vur iederiën!
Op mòndág 12 fibbrewarie gaon weej òptòcht kiëke! Het wieksentrum is dan vanáf 12:00 uur oop. Netuürlek kun de bute naor d’n òptòcht kiëke en weej zörge vur de meziek! Òz eige Lilian göt âalderwetse vastelaovesliedjes draeje op verzuük.
Op zaoterdág en mòndág kunde beej oons ok ’n brödje koeëpe. Deze werre gemákt en verkócht dur Jaimey Tip. Heej zamelt geld ien vur zien wereldburgerstage. Dat viende weej allieën mar moi! Ekstrá geld gaeve vur Jaimy kunde hiëroonder dur op ’t pletje te klikke.
Alle daag meug de vur niks naor binne bij Wieksentrum Den Hoender! Dizze Vastelaovend werd georganiziërd dur Wieksentrum Den Hoender en Wiekplatform Noord-West.